2016 жылғы 15 ақпанда Технологиялық колледжде жалпы білім беру пәндері апталығының шеңберінде  «Атом»,  «Алмаз» «Феррум» командалары арасында «Химиялық коктейль» зияткерлік ойын өткізілді.Ойынның мақсаты – зейін, тапқырлық, ой-өрісін дамыту,оқушылардың білім аясын кеңейту, пәнге қызығушылығын арттыру. Іс-шарада «Командалар визиткасы», «Химия эстафетасы», «Бас қатырғыштар»,  «Миға шабуыл», «Тапсырмаларды орындау», «Капитандар, алға!» және «Үй тапсырмасы» сайыстары өткізілді. Ойын барысында оқушылар химия пәнінен білімін танытып, командада жұмыс істей алатындарын көрсетті. I дәрежелі дипломды П-21 тобының «Феррум» командасы жеңіп алды.  II дәрежелі дипломға ПП-21 тобы, «Алмаз», III дәрежелі дипломға П-22 тобы, «Атом» командалары ие болды.Барлығы Мақтау қағаздарымен және сыйлықтармен марапатталды.