Жаяу Мұса атындағы Ақсу колледжінде 2016 жылғы 31 қазанда   облысымыздың техникалық және кәсіптік білім беру мекемелерінде   «Серпін-2050» жобасы бойынша 1 курс   студенттері арасында «Аламан» фестивалі шеңберінде «Жайдарман» өтті.

Мақсаты мен міндеттері: «Серпіндіктер» арасында топтық рухты қалыптастыру; Қазақстанның түкпір-түкпірінен келген жастарды отансүйгіштік рухқа тәрбиелеу; Студент жастардың сахналық шеберлігін қалыптастыру; Патриоттық сезімді насихаттау ; «Серпіндіктердің» оқып жатқан аймақтарындағы жастармен қарым-қатынас жасауларын қамтамасыз ету; Өткір, өзекті проблемаларды әзіл арқылы көтеруді үйрету; Әртістік және өзін-өзі сахнада ұстануды үйрену. 

Конкурсқа қатысу үшін командалар ерекше дайындық жасады.  Конкурс қорытындысы бойынша  гран-при -  Павлодар көлік және коммуникациялар колледжі, І орын – Павлодар технологиялық колледжінің командасы, ІІ орын  -  Жаяу Мұса атындағы Ақсу колледжі, ІІІ орын  -   Павлодар мемлекеттік   педагогикалық институтының командасы жеңіп алды.   Жеңімпаздар дипломдар және жүлделермен марапатталды.