Basty bet

Qazaqstannyń úshinshi jańǵyrýy: jahandyq básekege qabilettilik PDF Print E-mail

Memleket basshysy N.Nazarbaevtyń Qazaqstan halqyna joldaýy.
 2017 jylǵy 31 qańtar

«Qazaqstannyń úshinshi jańǵyrýy: jahandyq básekege qabilettilik»

Qurmetti qazaqstandyqtar!

    Men Qazaqstan halqyna jańa dáýir qarsańynda sóz arnap otyrmyn.
    Elimiz óziniń 25 jyldyq damý kezeńinen abyroйmen ótti. Biz elimizdi maqtan tutamyz. Tabystarymyz ben jetistikterimiz týraly Táýelsizdigimizdiń 25 jyldyq mereйtoйynda atap óttik. Olardy búkil álem biledi jáne joǵary baǵalaйdy.
2017 jyldyń basynan bastap Qazaqstan Birikken Ulttar Uйymy Qaýipsizdik Keńesiniń múshesi boldy.
Bıyl Astanada «EKSPO-2017» halyqaralyq kórmesi ótedi. Mundaй óte mańyzdy álemdik deńgeйdegi is-sharany biz TMD jáne Ortalyq Azııa elderiniń arasynda birinshi bolyp ótkizemiz.
    Almatyda Ýnıversıada-2017 sport oйyndary ótip jatyr.  Oǵan 57 memleketten 2 myńnan astam  sportshy men delegatsııa músheleri qatysýda.
Osynyń barlyǵy Qazaqstannyń halyqaralyq arenada joǵary bedelge ıe bolǵanyn jáne saıasatymyzdyń durystyǵyn kórsetedi.
Qazaqstan 2050 jylǵa qaraй álemdegi eń aldyńǵy qatarly 30 memlekettiń qataryna qosylýǵa tıis. Biz osy maqsatqa qaraй tabandylyqpen ilgerileй beremiz.
Jahandyq básekelestiktiń ósýi jáne álemdegi turaqsyzdyq jaǵdaйynda, 2012 jyly halqyma usynǵan «Qazaqstan-2050» strategııasynyń ózektiligi arta túsedi. Biz qıyndyqtardy ýaqtyly boljaй aldyq.
    «Nurly jol» ekonomıkalyq saıasatynyń jáne «100 naqty qadam» Ult josparynyń nátıjesinde osynaý qıyn, jahandyq transformatsııanyń alǵashqy kezeńinen laйyqty ótip kelemiz. Tek 2014-2016 jyldar aralyǵynda biz ekonomıkany qoldaýǵa qosymsha 1,7 trıllıon teńge jumsadyq. Munyń barlyǵy ekonomıkalyq ósimdi jáne bıznesti qoldaýǵa, 200 myńnan astam jańa jumys oryndaryn ashýǵa múmkindik berdi.
Nátıjesinde, 2016 jyly biz ishki jalpy ónimniń 1% ósimin qamtamasyz ettik. Bul qazirgi kúrdeli jaǵdaйda aйtarlyqtaй mańyzdy.
Álem qarqyndy túrde ózgerip keledi.
Bul – jańa jahandyq bolmys, ony biz qabyldaýǵa tıispiz.
 


Qymbatty otandastar!


    Bolashaǵyn aйqyndap, syn-qaterlerdi kútip otyrmastan, oǵan tabandy túrde qarsy tura alatyn halyq qana jeńiske jetedi.
Álemde kezekti, Tórtinshi ónerkásiptik revolıýtsııa bastaldy.
    Ekonomıkany jappaй tsıfrlandyrý tutas salanyń joйylýyna jáne múlde jańa salanyń paйda bolýyna alyp keledi. Bizdiń kóz aldymyzda bolyp jatqan uly ózgerister – ári tarıhı syn-qater, ári Ultqa berilgen múmkindik.
Búgin men Qazaqstandy Úshinshi jańǵyrtý jóninde mindet qoйyp otyrmyn. Eldiń jahandyq básekege qabilettiligin qamtamasyz etetin ekonomıkalyq ósimniń jańa modelin qurý qajet.
    Qazirgi kezde kóptegen elder osyndaй mindetti oryndaýǵa umtylýda. Ósimniń jańa modeline kóshý tásili ár jerde ár túrli ekenine senimdimin. Biz ózimizdiń myqty tustarymyzdy paйdalanyp, Táýelsizdigimizdiń 25 jylynda birge qalyptastyrǵan áleýetimizdi joǵaltyp almaýymyz kerek qoй.
Qazaqstannyń Birinshi jańǵyrýy bárimizdiń esimizde. 25 jyl buryn KSRO-nyń qırandysynan shyǵyp, óz jolymyzdy qalaй bastaǵanymyz jadymyzda tur. Sol kezde bizdiń býyn irgetasynan bastap qolǵa alyp, álem kartasynda bolmaǵan jańa memleket qurdy.
Josparly ekonomıkadan naryqtyq ekonomıkaǵa kóshý júzege asyryldy. Bizdiń bárimiz birlesip, sol kezde elimizdi kúйreýge, azamat soǵysyna, ekonomıkalyq kúйzeliske ushyratpaǵanymyz men úshin óte mańyzdy. Qazaqstan bul kezeńde az shyǵyn shyǵaryp, zor jetistikterge qol jetkizdi.
Ekinshi jańǵyrý «Qazaqstan-2030» strategııasynyń qabyldanýymen jáne jańa elorda – Astananyń salynýmen bastaldy. Onyń nátıjeli bolǵany daý týdyrmaйdy. Elimiz ekonomıkalyq turǵydan artta qalǵan aйmaqtan shyǵyp, álemdegi ekonomıkasy básekege qabiletti 50 memlekettiń qataryna kirdi.
Tabysty ótken eki jańǵyrý arqyly baǵa jetpes tájirıbe jınaqtadyq. Biz endi alǵa batyl qadam basyp, Úshinshi jańǵyrýdy bastaýǵa tıispiz. 
Bul jańǵyrý – qazirgi jahandyq syn-qaterlermen kúres jospary emes, bolashaqqa, «Qazaqstan-2050» strategııasy maqsattaryna bastaйtyn senimdi kópir bolmaq. Ol Ult jospary – «100 naqty qadam» bazasynda ótkiziledi.
    Men onyń bes negizgi basymdyǵyn kórip otyrmyn. Olar ekonomıkanyń álemdik ósiminiń orta deńgeйden joǵary qarqynyn qamtamasyz etýge jáne 30 ozyq eldiń qataryna qaraй turaqty túrde ilgerileýge laйyqtalǵan. 
    Birinshi basymdyq – ekonomıkanyń jedeldetilgen tehnologııalyq jańǵyrtylýy.
    Biz tsıfrlyq tehnologııany qoldaný arqyly qurylatyn jańa ındýstrııalardy órkendetýge tıispiz. Bul – mańyzdy keshendi mindet.
Elde 3D-prıntıng, onlaйn-saýda, mobılьdi bankıng, tsıfrlyq qyzmet kórsetý sekildi densaýlyq saqtaý, bilim berý isinde qoldanylatyn jáne basqa da perspektıvaly salalardy damytý kerek. Bul ındýstrııalar qazirdiń ózinde damyǵan elderdiń ekonomıkalarynyń qurylymyn ózgertip, dástúrli salalarǵa jańa sapa darytty.
Osyǵan oraй, Úkimetke «Tsıfrlyq Qazaqstan» jeke baǵdarlamasyn ázirleýdi jáne qabyldaýdy tapsyramyn.
Bizdiń zańnamamyzdy jańa jaǵdaйǵa beйimdeý kerek.
    Kommýnıkatsııanyń damýy men optıkalyq-talshyqty ınfraqurylymǵa jappaй qoljetimdilikti de qamtamasyz etý kerek. Tsıfrlyq ındýstrııany damytý basqa barlyq salalarǵa serpin beredi. Sondyqtan Úkimet IT salasyn damytý máselesin erekshe baqylaýda ustaýǵa tıis.
Jańa ındýstrııalar qalyptastyrýdyń mańyzdy sharty ınnovatsııany qoldaý jáne olardy óndiriske tezirek engizý bolyp sanalady.
Úkimetke «EKSPO-2017» nysandarynyń biriniń bazasynda IT-startaptar halyqaralyq tehnoparkin qurýdy tapsyramyn. Ol álemniń barlyq elinen kásipkerler men ınvestorlar tartýdyń platformasy bolýǵa tıis. Bul úshin tıisti ınfraqurylym jáne salyq jeńildikterin, ońaйlatylǵan vıza men eńbek rejimin qosa alǵanda, qolaйly jaǵdaй kerek.
    Biz joǵary oqý oryndary, Nazarbaev Ýnıversıteti jáne «Alataý» ınnnovatsııalyq tehnologııalar parki bazasynda ózimizdiń ǵylymı jáne ınnovatsııalyq áleýetimizdi damytýymyz kerek.
    Ekinshi keshendi mindet. Jańa ındýstrııalar qurýmen qatar dástúrli bazalyq salalardy damytýǵa serpin berýimiz kerek.
Bul – ónerkásip, agroónerkásiptik keshen, kólik pen logıstıka, qurylys sektory jáne basqa salalar.
Birinshi. Eńbek ónimdiligin aйtarlyqtaй arttyrý kerek.
Bul jerdegi negizgi faktor Tórtinshi ónerkásiptik revolıýtsııa elementterin jappaй engizý bolýǵa tıis.
Bul – avtomattandyrý, robottandyrý, jasandy ıntellekt, «aýqymdy málimetter» almasý, taǵy basqa mindetter.
    Úkimetke bıznes ókilderimen birge 2025 jylǵa deйin bazalyq salalardy tehnologııalyq turǵydan qaйta jaraqtandyrýdyń keshendi sharalaryn ázirleýdi tapsyramyn.
Ekinshi. Basymdyǵy bar salalardaǵy básekege qabiletti eksporttyq óndiristi damytýdy kózdeйtin ındýstrııalandyrýdy jalǵastyrý kerek.
Úkimet aldynda qazirdiń ózinde 2025 jylǵa qaraй shıkizattyq emes eksportty 2 ese ulǵaйtý mindeti tur.
Bul baǵyttaǵy jumysty jandandyrý úshin eksportty damytý men ilgeriletý tetikterin bir vedomstovaǵa shoǵyrlandyrý qajet. Eksporttaýshylarǵa «bir tereze» qaǵıdaty boйynsha óńirlerde de qoldaý kórsetý kerek.
Úkimet janynan Eksport saıasaty jónindegi keńes qurýdy tapsyramyn. Oǵan bıznes qoǵamdastyǵynyń ókilderi kirýge tıis.
Bıylǵy 1 qyrkúйekke deйin Úkimet ákimdermen jáne bıznes ókilderimen birlesip, Biryńǵaй eksport stretegııasyn ázirleýi kerek.
Qazaqstan shetel ınvestıtsııalaryn tartý isindegi kóshbasshylyǵyn saqtap qalýy qajet.«Astana» halyqaralyq qarjy ortalyǵy el ekonomıkasyna qarjy resýrstaryn tartýda mańyzdy ról atqarýǵa tıis.
Biz taýar óndirý men ótkizý, qyzmet kórsetý isin jahandyq jelige beйimdeýimiz kerek. Muny, eń aldymen, transulttyq kompanııalardy tartý arqyly jasaǵan jón.
Qazaqstanda óndirister ashý jónindegi Qytaйmen birlesken ınvestıtsııalyq baǵdarlamany tıimdi júzege asyrý kerek. Qytaй tarapymen ýaǵdalastyqqa qol jetkizildi. Nysandar belgilendi. Naqty jumys isteý qajet.
Bul qazaqstandyqtar úshin 20 myń jańa jumys ornyn ashatyn zamanaýı óndiris bolmaq. Qazir 6 joba júzege asyryla bastady, al 2 joba iske qosyldy. Sonyń biri – gıbrıdtik jáne tolyqtaй elektrli JAC avtomobılьderin iri qurylǵylardan qurastyratyn zaýyt.
Qajetti ınfraqurylym qalyptastyrý jaйyn eskerip, eksportqa baǵdarlanǵan elektromobılь óndirisin odan ári damytý máselesin pysyqtaýdy tapsyramyn.
Tutastaй alǵanda, Qazaqstannyń óz Investıtsııalyq strategııasy bolýǵa tıis. Úkimet ony bıylǵy 1 qyrkúйekke deйin ázirleýi kerek.
Halyqaralyq yntymaqtastyq aıasynda ulttyq ekonomıkalyq múddelerdi qorǵap, ilgeriletý qajet. Bul, eń aldymen,  EAEO, ShYU ishinde Jibek joly Ekonomıkalyq beldeýimen ushtasatyn jumystarǵa qatysty. Ol úshin ekonomıkalyq dıplomatııa jumysyn qaйta quryp, jandandyra túsý qajet.
Úshinshi. Ekonomıkalyq ósimniń turaqtylyǵy úshin eldiń taý-ken metallýrgııasy men munaй-gaz keshenderi óziniń strategııalyq mańyzyn saqtaýǵa tıis.
Álemdik suranys báseńdep ketken kezde jańa naryqtarǵa shyǵyp, ónim jetkizý aýmaǵyn keńeйtý kerek. Mıneraldyq-shıkizattyq bazany keńeйtýge basa nazar aýdarylýǵa tıis. Geologııalyq barlaý jumystaryn belsendi júrgizý kerek.
Bul salalardy odan ári damytý isi shıkizatty keshendi túrde qaйta óńdeýdi tereńdete túsýmen berik ushtastyrylýy tıis.
Jyl sońyna deйin Jer qoйnaýy týraly jańa kodeksti qabyldap, salyq zańnamalaryna qajetti ózgerister engizýdi tapsyramyn.
 


*****


Tórtinshi. Agrarlyq sektor ekonomıkanyń jańa draйverine aйnalýy kerek.
Qazaqstannyń agroónerkásip kesheniniń bolashaǵy zor.
Kóptegen pozıtsııalar boйynsha biz álemde iri agrarlyq eksporttyq ónim óndirýshilerdiń biri bola alamyz. Bul, ásirese, ekologııalyq taza taǵamdarǵa qatysty. «Made in Kazakhstan» brendi sondaй ónimderdiń etalony bolýǵa tıis.
Sonymen qatar, astyq ónimderi boйynsha biz Eýrazııada «nan kárzeńkesi» bolýymyz kerek. Shıkizat óndirisinen sapaly óńdelgen ónim shyǵarýǵa kóshý qajet. Tek sonda ǵana biz halyqaralyq naryqtarda básekege qabiletti bola alamyz.
Osy maqsattarǵa qol jetkizý úshin  Úkimet pen ákimderge mynadaй tapsyrmalar beremin:
birinshiden, sýbsıdııalardy bólý qaǵıdalaryn qaйta qarastyryp, birtindep ónimdi saqtandyrýǵa kóshý qajet;
ekinshiden, bes jyl ishinde 500 myńnan astam jeke úй sharýashylyqtary men shaǵyn fermerlerdi kooperatıvterge tartýǵa múmkindik beretin jaǵdaй jasaý kerek;
úshinshiden, ónimniń óńdeý sapasyn jaqsartyp, taýarlardy saqtaýdyń, tasymaldaýdyń jáne ótkizýdiń tıimdi júйesin qurý qajet;
tórtinshiden, eńbek ónimdiligin belsendi túrde arttyryp, óndiris shyǵyndaryn tómendetý kerek;
besinshiden, jerdi paйdalaný tıimdiligin arttyrýǵa tıispiz. Sýarmaly egis alańyn 5 jyl ishinde 40%-ǵa keńeйtip, 2 mıllıon gektarǵa jetkizý qajet;
altynshydan, óndiriste suranysqa ıe agrarlyq ǵylymı zertteýlerge salynatyn ınvestıtsııa kólemin arttyrý kerek.
Aýyl sharýashylyǵyn ártaraptandyryp, 2021 jylǵa qaraй azyq-túlik taýary eksportyn 40%-ǵa kóbeйtýdi tapsyramyn.
Bul mindetter agroónerkásip keshenin damytýdyń jańa memlekettik baǵdarlamasy aıasynda iske asyrylýy qajet.
 


*****
 

Besinshi. Jańa eýrazııalyq logıstıkalyq ınfraqurylymdy damytý – mańyzdy basymdyqtardyń biri.
Oǵan qazirdiń ózinde qomaqty ınvestıtsııa jumsaldy. Endi odan ekonomıkalyq qaйtarym ala bastaý qajet.
Úkimetke 2020 jylǵa qaraй tranzıttik tasymaldyń jyldyq kólemin:
- konteйnerlermen tasymaldanatyn júkter úshin 7 ese – 2 mıllıon konteйnerge deйin;
- jolaýshylardy áýe kóligimen tasymaldaýdy 4 ese – 1,6 mıllıon tranzıttik jolaýshyǵa deйin arttyrýdy tapsyramyn.
Tranzıttik tasymaldaýdan túsetin tabysty 5,5 ese – jylyna 4 mıllıard dollarǵa deйin kóbeйtý qajet.
2015 jyly men «Nurly jol» ınfraqurylymdyq damý baǵdarlamasyn usyndym. Ótken 2 jyl ishinde baǵdarlama ózin tolyq aqtady.
Bıyl respýblıkalyq mańyzy bar 4400 shaqyrym avtojol qurylysy men qaйta jańǵyrtý jumystary júrgiziledi. Jyl sońyna deйin sonyń kem degende 600 shaqyrymy paйdalanýǵa berilip, kezeń-kezeńimen aqyly júйe engiziledi.     
Elimizdiń kólik jáne tranzıt áleýetin tolyq ashý úshin kórshi eldermen úйlesimdi is-qımyl qajet. Júkterdiń erkin tranzıtin, kólik dálizderin qurý men olardy jańǵyrtý isin qamtamasyz etý kerek. Kólik ınfraqurylymyn basqarýǵa, qyzmet kórsetý deńgeйin arttyrýǵa jáne ákimshilik kedergilerdi joıýǵa erekshe kóńil aýdarý qajet.
Transkaspıй dálizi boйynsha tasymaldaý kóleminiń ulǵaıýyna baйlanysty Quryq portyn salýdyń ekinshi kezeńi – avtomobılь ótkeli qurylysyn iske asyrýǵa kirisý qajet.
Altynshy. Ýrbanızatsııa úderisi qurylys sektoryn damytý qajettigin alǵa tartyp otyr. Ol otandyq ekonomıkanyń tolyqqandy draйverine aйnalýǵa tıis.  
Jol, turǵyn úй jáne basqa da ınfraqurylym qurylysyna ınvestıtsııa sala otyryp, biz qalalarymyzdyń uzaq jyldarǵa deйin syrtqy jáne tehnologııalyq kelbetin aйqyndaйtynymyzdy umytpaǵanymyz jón. Sondyqtan qurylysqa da, qurylys materıaldaryn óndirý salasyna da jańa tehnologııalardy engizý kerek. Ol úshin bizde qazir jaqsy múmkindikter bar.
Meniń tapsyrmam boйynsha bıyl «Nurly jer» turǵyn úй baǵdarlamasy iske asyryla bastaйdy. Ol asa mańyzdy mindetti oryndaýǵa – aldaǵy 15 jylda 1,5 mıllıon otbasyn turǵyn úйmen qamtamasyz etýge baǵyttalǵan. 
Baǵdarlamada turǵyn úй naryǵyn damytýdyń keshendi sharalary kórinis tapqan. Sonyń biri – «Damý» aktsıonerlik qoǵamy arqyly memlekettiń sýbsıdııa berýi esebinen qurylys salýshylar úshin bank nesıesin arzandatý. Turǵyndar úshin «Qazaqstan ıpotekalyq kompanııasy» aktsıonerlik qoǵamy arqyly bankter beretin ıpotekalyq nesıeni sýbsıdııalaý júzege asyrylady. «Turǵyn úй qurylys jınaq banki» salymshylary úshin ákimdikterdiń nesıelik turǵyn úй salýy jalǵasady. Oǵan ilgeride bólingen qarjy «revolьver» qaǵıdaty  boйynsha qaйta paйdalanylady.
Ákimdikter halyqtyń áleýmettik álsiz toptary úshin satyp alý quqyǵynsyz arendalyq turǵyn úй bólý isin damyta beretin bolady. Jappaй turǵyn úй qurylysy úshin ákimder tıisti jer telimderin bólýge tıis.
Biz qalalarda jeke turǵyn úйlerdiń biryńǵaй sáýlet stılinde salynýyna mán beretin bolamyz. Bul úshin memleket qajetti ınfraqurylym turǵysynan kómek kórsetedi.
Úkimet ákimdermen birlesip, úlken qalalardyń irgeles ornalasqan eldi mekendermen kólik baйlanysyn damytý jóninde sharalar qabyldaýy qajet. 
 
Úshinshi keshendi mindet – eńbek naryǵyn jańǵyrtý.
Jańa tehnologııalardyń engizilýine baйlanysty dástúrli salalarda eńbek resýrstary bosap qalatyn bolady. Sonymen birge, jańa ındýstrııa quryp, damytý jumyspen qamtýdyń jáne azamattardyń naqty tabysyn ósirýdiń qosymsha múmkindigi bolýǵa tıis.
Úkimet pen ákimderge eńbekkerlerdiń basqa salalarǵa basqarý aıasynda aýysýy úshin jaǵdaй jasaýdy tapsyramyn.  
Bizdiń iri kásiporyndar ákimdiktermen birlese otyryp, tıisti jol kartalaryn ázirleýi kerek. Onda qysqartylatyn jumysshylardy qaйta daıarlaý, olardy ári qaraй jumyspen qamtý úshin birlesip ınvestıtsııa salý jaйy qarastyrylýy qajet. Basy artyq jumys kúshi bar óńirlerden basqa jerlerge, sondaй-aq, aýyldardan qalalarǵa jumys kúshin utymdylyqpen tartýǵa qoldaý kórsetý kerek.   
Úkimet jumyspen qamtý ortalyqtaryn reformalap, barlyq bos jumys oryndary men búkil eldi mekenderde biryńǵaй onlaйn platforma qalyptastyrýy qajet.
 
Ekinshi basymdyq – bıznes-ortany túbegeйli jaqsartý jáne keńeйtý.
Bizdiń strategııalyq maqsatymyzdyń biri – eldiń ishki jalpy ónimindegi shaǵyn jáne orta bıznestiń úlesi 2050 jylǵa qaraй kem degende 50% bolýyn qamtamasyz etý.
Bul – óte órshil maqsat, biraq oǵan qol jetkizýge bolady. Ony oryndaý úshin qazirgi kezeńde mynadaй qadamdar jasalýy qajet.
Birinshi. Meniń tapsyrmam boйynsha Úkimet bıyldan bastap Nátıjeli jumyspen qamtý jáne jappaй kásipkerlikti damytý baǵdarlamasyn iske asyrýǵa kirisip ketti.
Budan bylaй Qazaqstan azamattary óz bıznesin júrgizý úshin aýylda da, qalada da 16 mıllıon teńgege deйin shaǵyn nesıe ala alady.
Shaǵyn nesıe berý aıasyn keńeйtip, kásipkerlerge kepildik jasaý jáne qyzmet kórsetý tetikterin belsendi paйdalaný kerek. Bul sharalardy bıznes júrgizý jáne qarjylyq saýattylyqqa úйretý isin uйymdastyrýmen qatar atqarý kerek.
Jappaй kásipkerlikti qoldaý tetikterin odan ári jetildirý kerek. Qazaqstannyń ár óńiri jappaй kásipkerlikti, sonyń ishinde otbasylyq kásipkerlikti damytý baǵytynda keshendi sharalar usynýǵa tıis.
Jańadan ashylǵan jumys oryndarynyń sany – burynǵysha Úkimet pen ákimder qyzmetiniń tıimdiligin baǵalaýdyń negizgi krıterıйiniń biri bolmaq.   
Ekinshi. Úkimet «Atameken» ulttyq kásipkerler palatasymen (UKP) birlesip, bıznestiń barlyq shyǵynyn jappaй azaйtý jóninde sharalar qabyldaýy qajet. Bul ásirese energetıka, kólik jáne logıstıka, sondaй-aq, turǵyn úй-kommýnaldyq sharýashylyq salalaryndaǵy qyzmet kórsetý qunyna qatysty.
Memlekettik qyzmetter kórsetý úderisi meйlinshe ońtaйlandyrylýǵa tıis. Qujattardyń merzimi men tizbesin qysqartyp, qaйtalanatyn rásimderdi joıý kerek. Bul oraйda adamnyń óziniń barýyn qajetsinbeйtin tolyq elektrondyq formatqa kóshirý kerek.
Sondaй-aq, bıznestiń qazirgi  qoldanystaǵy retteýshilik júktemesi ósimniń jańa modelin jasaý mindetimen úйlespeйdi. 
Úkimet pen ákimderge bıylǵy 1 shildege deйin bıznesti qaйta retteý jónindegi júйeli sharalar ázirleý mindetin júkteйmin.
Damyǵan elderdiń ozyq standarttary men tájirıbesin engizý kerek.
Bul jumysty ásirese óńirlik deńgeйde atqarý mańyzdy.
Ákimder Úkimetpen birlesip, Dúnıejúzilik bank reйtıngi negizinde óńirlerde bıznes júrgizý úshin jaǵdaйdy jaqsartý jóninde naqty josparlar ázirleý kerek.
Elimizde bıznes júrgizýdi jeńildetý jóninen óńirler men qalalar reйtıngin engizý qajet. Biz úzdikter úshin arnaýly syйlyq taǵaйyndaйmyz. Ony jylyna bir ret, Indýstrııalandyrý kúninde tabys etemiz.
Úshinshi. Memlekettiń ekonomıkadaǵy úlesin ishki jalpy ónimniń 15%-yna deйin, Ekonomıkalyq yntymaqtastyq jáne damý uйymy (EYDU) elderi deńgeйine deйin tómendetý ekonomıkalyq ósimge tyń serpin berýge tıis.
Budan buryn 2020 jylǵa deйin jekeshelendiriletin 800-ge jýyq kásiporyndy qamtıtyn tizbe jasalǵan bolatyn. Tıisti jumystar atqarylýda.
Úkimetke sol tizbedegi kásiporyndardy jekeshelendirýdi tezdetip, ony 2018 jyldyń sońyna deйin aıaqtaýdy tapsyramyn.
Iri kompanııalarymyzdy IRO-ǵa daйyndaý jáne oǵan beйimdeý isin de jedeldetý kerek. Yellow Pages qaǵıdattaryn engizý memleket úshin ekonomıkadaǵy qyzmet túrlerin 47%-ǵa (652-den 346-ǵa) qysqartýǵa múmkindik berdi.
Kelesi kezeńde osy qaǵıdattarǵa saй kelmeйtin memleket menshigindegi barlyq kásiporyndar men uйymdardy 2020 jylǵa deйin jeke sektorǵa berý nemese joıý qajet. Al ondaй kásiporyndar sany birneshe myń bolady.
Árbir baǵdarlama nemese tapsyrmaǵa oraй zańdy tulǵalar qurý tájirıbesi budan bylaй  toqtatylýǵa tıis.
Jekeshelendirýdiń jarııalylyǵy men tıimdiligin qamtamasyz etý qajet. Sondaй-aq memlekettik holdıngter rólin qaйta qarastyrý kerek.
Úkimetke «Samuryq-Qazyna» holdıngin sapaly túrde transformatsııalaý isin júzege asyrýdy tapsyramyn.
Basqarýshylyq jáne óndiristik bıznes úderisterin tolyq revızııa men  ońtaйlandyrýdan ótkizý qajet. Nátıjesinde ol tıimdiligi joǵary, jınaqy jáne kásibı holdıngke aйnalýǵa tıis. Menedjment pen korporatıvti basqarý sapasyn halyqaralyq deńgeйge jetkizý kerek.
Memleketke qandaй mańyzdy sektorlarda, qatysý úlesiniń qandaй mólsherimen jáne ne qaldyratynymyzdy naqty anyqtap alýymyz kerek.
Tabıǵı monopolııalardy jáne strategııalyq mańyzy bar,  sonyń ishinde Transulttyq kompanııalar qatysatyn jobalardy iske asyrý mindetin memleketke qaldyrý kerek. Bul jobalar mýlьtıplıkatıvti nátıje  berýge tıis.
«Báйterek» jáne «QazAgro» holdıngterin de qaйta qurý qajet. Olar memlekettik damý baǵdarlamalaryn iske asyrý jónindegi operatorlar bolýǵa tıis. Soǵan oraй olardyń fýnktsııalaryn ońtaйlandyrý kerek. Jeke sektor júzege asyra alatyn nárseniń barlyǵy bızneske berilýi qajet.
Sondaй-aq, olarǵa baǵdarlamalardy iske asyrý úshin memlekettik emes qarjy kózderi arqyly qor qalyptastyrýmen aйnalysý kerek.
Tórtinshi. Kásipkerlikti damytýǵa memleket-jekemenshik seriktestigi aıasyn keńeйtý zor múmkindik beredi. Bul jerde áńgime birqatar memlekettik qyzmetter kórsetý mindetin bızneske berý isine qatysty bolyp otyr.
Bizde qazirdiń ózinde olardy mektepke deйingi bilim berý isine tartý salasynda jaqsy nátıjeler bar. Ótken 3 jylda memleket 40 myń orynǵa arnalǵan 189 balabaqsha salsa, jekemenshik sektor 100 myń orynǵa arnalǵan 1300 balabaqsha ashty. Jekemenshik balabaqshalardyń eń kóbi Ońtústik Qazaqstan (397), Almaty (221), Qyzylorda (181) oblystarynda ashyldy.
Men úshin osy sektordaǵy memleket-jekemenshik seriktestiginiń úlgisi óte mańyzdy. Bul asa mańyzdy jalpyulttyq mindetterdiń biri – 3-6 jas aralyǵyndaǵy balalardy mektepke deйingi bilim berýmen 2020 jylǵa qaraй júz paйyz qamtý máselesin memleket pen bıznes birlese sheship otyrǵanyn kórsetedi.
Memleket-jekemenshik seriktestigin damytý ákimderdiń naqty jáne kásibı jumysyna baйlanysty.
Jekemenshik kapıtal tartý úshin memleket-jekemenshik seriktestiginiń yqtımal barlyq túri men nysanyn paйdalaný qajet. Olar – memlekettik múlikti senimdi basqarý, qyzmet kórsetý kelisimsharttary, taǵy basqalar. Bul rette kelisimniń barlyq rásimderin, ásirese shaǵyn jobalarǵa qatysty rásimderdi meйlinshe jeńildetý jáne jedeldetý qajet.
Memleket-jekemenshik seriktestigi ınfraqurylymdy, sonyń ishinde áleýmettik ınfraqurylymdy damytýdyń negizgi tetigine aйnalýǵa tıis.
Turǵyn úй-kommýnaldyq sharýashylyq nysandaryn jańǵyrtý úshin budan ári jekeshelendirý múmkindigin qarastyra otyryp, basqarýǵa jáne kontsessııaǵa berý qajet. Úkimet bir oryndy shıyrlaй berýdi  doǵarsyn. Bul baǵytta jumysty jandandyra túsý kerek.
Besinshi. Baǵa men tarıf boйynsha ymyralasýǵa jol bermeý qajet.
Úkimetke «Atameken» UKP-men birlesip, básekelestikke kedergi keltiretin normalardy anyqtaýǵa qatysty barlyq zańnamaǵa «revızııa» jasaýdy tapsyramyn.
 
Úshinshi basymdyq – makroekonomıkalyq turaqtylyq.
Mundaǵy basty mindet – aqsha-nesıe saıasatynyń yntalandyrýshy rólin qalypqa keltirý jáne ekonomıkany qarjylandyrýǵa jekemenshik kapıtal tartý.
Birinshi. Búginde Ulttyq bank aldynda ınflıatsııalyq targetteý rejimin damytý jónindegi mańyzdy mindet tur. Orta merzim ishinde ınflıatsııa deńgeйin kezeń-kezeńmen 3-4%-ǵa deйin tómendetýge qol jetkizýimiz kerek.
Ekinshi. Elimizdiń qarjy sektoryn «qaйta jańǵyrtý» qajet.
Ulttyq bankke bank sektoryn qalypqa keltirý jóninde sharalar keshenin ázirleýdi tapsyramyn. Bankterdiń balansyn tıimsiz nesıelerden aryltý jumysyn jedeldetip, qajet bolǵan jaǵdaйda olardyń kapıtalyn aktsıonerler tarapynan arttyrýdy qamtamasyz etý kerek. Bankterdiń ahýalyna jedel baqylaý ornatý úshin Ulttyq bankke kóbirek quqyq bergen jón. Ulttyq bank bankterdiń qatelik jiberýin kútpeй, olarǵa yqpal etetin sharalar qabyldaý úshin formalьdi kózqarastan yqtımal qaterlerge jol bermeйtin qadamdarǵa kóshýge tıis.
Sondaй-aq, aýdıtorlyq kompanııalardyń jaýapkershiligin arttyryp, aktsıonerlerdiń ashyqtyǵyn qamtamasyz etý, ujymdyq basqarýdy jaqsartý qajet. Osynyń bárin zańnamalyq deńgeйde bekitý kerek.
Ekonomıkadaǵy qarajat jetispeýshiligi jáne nesıeler boйynsha joǵary mólsherleme túйtkilderin sheshý maqsatymen Ulttyq bank pen Úkimetke teńge túrinde qoljetimdi orta jáne uzaq merzimge arnalǵan qor qalyptastyrýdy qamtamasyz etý jóninde keshendi sharalar qabyldaýdy tapsyramyn.
Ulttyq bank ınflıatsııa ǵana emes, sonymen qatar Úkimetpen birge ekonomıkanyń ósýi úshin de jaýapty bolýǵa tıis.
Úshinshi. Qor naryǵyn odan ári damytý.
Jekeshelendirý onyń damýyna serpin berýge tıis. Men joǵaryda aйtyp ótkendeй, qor naryǵyna «Samuryq-Qazyna» qory kompanııalarynyń aktsııalaryn ornalastyrý kerek. Halyqtyń jınaǵan óz qarajatyn eń aldymen túrli baǵaly qaǵazdarǵa ınvestıtsııalaý múmkindigin odan ári arttyrý qajet.
Biz 2016 jyldyń sońynda zańdastyrý naýqanyn aıaqtadyq. Oǵan elimizdiń 140 myńnan astam azamaty qatysty. Nátıjesinde 5,7 trıllıon teńge, onyń ishinde qarajat túrinde 4,1 trıllıon teńge zańdastyryldy.
Úkimettiń mindeti – bul qarajattyń ekonomıkaǵa, sonyń ishinde jekeshelendirýge qatysý arqyly paйda berýin qamtamasyz etý. Sonymen birge, Qazaqstannyń jekemenshik kásiporyndarynyń oblıgatsııa shyǵarylymdaryn sýbsıdııalaý máselesin pysyqtaý qajet.
Úkimetke Ulttyq bankpen birlesip, otandyq qor naryǵyn jandandyrýǵa baǵyttalǵan sharalar qabyldaýdy tapsyramyn.
 
Kelesi sheshýshi mindet – salyq-bıýdjet saıasatyn jańa ekonomıkalyq jaǵdaйǵa beйimdeý.
Birinshi. Bıýdjet shyǵystarynyń tıimdiligin túbegeйli arttyrý qajet.
Biz 2017 jyly memlekettik damý baǵdarlamalaryn qajetti resýrstarmen tolyqtaй qamtamasyz ettik. Mınıstrlikter men vedomstvolardyń qarajatty ıgerýiniń tıimdiligin tekserý qajet.
Respýblıkalyq bıýdjettiń 40%-dan astamyn quraйtyn Densaýlyq saqtaý,  Eńbek jáne halyqty áleýmettik qorǵaý, Bilim jáne ǵylym mınıstrlikterinen bastaý kerek. Onyń qorytyndysy boйynsha maǵan baıandalsyn.
Tıimsiz baǵdarlamalardyń qarajatyn Úshinshi jańǵyrtý mindetterin iske asyrýdy qamtamasyz etetin baǵdarlamalarǵa qaйta bólý qajet. Sondaй-aq, qarajatty naqty ekonomıkaǵa neǵurlym tezirek ári tıimdirek jetkizý úshin bıýdjettik rásimderdi jeńildetken jón.
Biz fıskaldyq ortalyqsyzdandyrý saıasatyn jalǵastyrýymyz kerek. Ótken jyldarda ortalyqtan jergilikti jerlerge kóptegen fýnktsııalar men ókilettikter berildi. Endi olardyń jetkilikti qarjylyq derbestigin bekemdeй túsý qajet. Sonymen birge, qarjy shyǵysy jónindegi ókilettikterdiń oblystyq deńgeйde shoǵyrlanýyna jol bermeý mańyzdy. Olardy ári qaraй aýdandyq jáne aýyldyq jerlerge berý kerek. Ákimder óńirlik jáne jergilikti mańyzy bar máselerdi sheshýge tıis, al Úkimet jalpymemlekettik máselelerge den qoıýy qajet.
Ekinshi. Ulttyq qor qarajatyn paйdalanýǵa utymdylyq turǵysynan qaraǵan jón.
Ulttyq qordan alynǵan kepildendirilgen transfert kólemi 2020 jylǵa qaraй kezeń-kezeń boйynsha 2 trıllıon teńgege qysqartylýǵa tıis.
Salyq saıasatyn bıznestiń «kóleńkeden» shyǵýyna beйimdep, shıkizattyq emes sektordaǵy salyqtyq bazany keńeйtýge baǵyttaý kerek. Qazirgi salyq jeńildikterin ońtaйlandyrý qajet. Jalpyǵa ortaq deklaratsııalaý qarsańynda arnaýly salyq rejimin jańasha qarastyrý kerek.
Salyqtyq ákimshilendirý tetikteri jetildirýdi talap etedi. Eń aldymen, munyń qosymsha qun salyǵyn jınaýǵa qatysy bar.
Úshinshi. Úkimet kvazımemlekettik sektordyń syrtqy jáne ishki qaryzdaryna monıtorıng júrgizý men baqylaý jasaý júйesin qalyptastyryp, onda tártip ornatý kerek.
 
*****
 
Tórtinshi basymdyq – adamı kapıtal sapasyn jaqsartý.
Birinshi. Eń aldymen, bilim berý júйesiniń róli ózgerýge tıis. Bizdiń mindetimiz – bilim berýdi ekonomıkalyq ósýdiń jańa modeliniń ortalyq býynyna aйnaldyrý. Oqytý baǵdarlamalaryn synı oйlaý qabiletin jáne óz betimen izdený daǵdylaryn damytýǵa baǵyttaý qajet.
Sonymen birge, IT-bilimdi, qarjylyq saýattylyqty qalyptastyrýǵa,  ultjandylyqty damytýǵa basa kóńil bólý kerek. Qala men aýyl mektepteri arasyndaǵy bilim berý sapasynyń alshaqtyǵyn azaйtý qajet.
Úkimetke tıisti usynystar berýdi tapsyramyn.
Atap aйtqanda, úsh tildi oqýǵa kezeń-kezeńmen kóshý máselesi boйynsha usynystar ázirlensin.
Qazaq tiliniń basymdyǵy saqtalady. Onyń ári qaraй damýyna zor kóńil bólinedi. Sonymen qatar, búginde aǵylshyn tili – jańa tehnologııa, jańa ındýstrııa, jańa ekonomıka tili. Qazirgi kezde 90% aqparat aǵylshyn tilinde jarııalanady. Árbir eki jyl saйyn olardyń kólemi 2 ese ulǵaйyp otyrady. Aǵylshyn tilin meńgermeй, Qazaqstan jalpy ulttyq progreske jete almaйdy.
2019 jyldan bastap 10-11 synyptarda keйbir pánderdi aǵylshyn tilinde oqytatyn bolamyz. Bul máseleni tııanaqty oйlanyp, aqylmen sheshý qajet.
Mektepterdiń jáne muǵalimderdiń deńgeйi, ásirese aýyl men qalada ártúrli. Bilikti pedagogtardyń jetispeý problemasy da bar. Sondyqtan, osynyń barlyǵyn eskerip, aǵylshyn tilin kezeń-kezeńmen engizýimiz kerek.
Tıisti usynystar berýdi tapsyramyn.
Meniń bastamam boйynsha bıyl «Barshaǵa arnalǵan tegin kásiptik-tehnıkalyq bilim berý» jobasy iske asyryla bastady.
Tegin oqytýmen eń áýeli jumyssyz jáne ózin ózi tıimsiz jumyspen qamtyǵan jastar, sondaй-aq kásiptik bilimi joq eresek adamdar qamtylýy tıis. Kásiptik bilim berý júйesinde, men aйtqandaй, ekonomıkadaǵy jańa óndirister úshin mamandar daйyndaýǵa den qoıý kerek.
Ol úshin kásiptik standarttar eńbek naryǵynyń talaptaryna jáne eń úzdik álemdik oqý-óndiristik tájirıbelerge sáйkes jańartylýy qajet.
Sonymen qatar, joǵary bilim berý júйesi sapasyna erekshe nazar aýdarylady. Joǵary oqý oryndarynyń kadrlyq quramyna, materıaldyq-tehnıkalyq jabdyqtalý deńgeйine, bilim berý baǵdarlamalaryna qatysty baqylaý men talap kúsheйtilýi qajet.
 
*****
 
Ekinshi. Bilim berý júйesimen qatar densaýlyq saqtaý júйesi de ózgerýge tıis.
Bıylǵy 1 shildeden memlekettiń, jumys berýshilerdiń, azamattardyń ortaq jaýapkershiligine negizdelgen mindetti medıtsınalyq saqtandyrý júйesi (MMSJ) engizile bastaйdy. Bul júйeniń tıimdiligi álemdik tájirıbe arqyly dáleldengen.
Medıtsınalyq saqtandyrý júйesine qatysýshylarǵa keń aýqymdaǵy medıtsınalyq qyzmetter usynylady. Oǵan halyqtyń áleýmettik álsiz toptarynyń qatysýyna memlekettik qoldaý kórsetiledi.
Úkimet qajetti deńgeйde densaýlyq saqtaý salasyn aqparattandyrýy kerek. Básekelestikti damytý úshin jeke menshiktegi medıtsına mekemelerine MMSJ júйesi aıasynda teń jaǵdaй týǵyzý kerek.
Úkimetke jáne ákimderge keń aýqymdy aqparattyq-túsindirý jumysyn júrgizýdi tapsyramyn.
Sondaй-aq, zańnamalyq turǵydan barlyq dári-dármektiń baǵasyn retteýdi engizý qajet.
Úshinshi. Áleýmettik qamtamasyz etý salasyna qatysty.
Meniń tapsyrmam boйynsha 2017 jylǵy 1 shildeden bastap 2,1 mıllıon zeйnetker úshin zeйnetaqy 2016 jylǵy deńgeйden 20%-ǵa deйin arttyrylady.
Budan bólek, bazalyq zeйnetaqy taǵaйyndaý 2018 jylǵy 1 shildeden bastap jańa ádisteme boйynsha júzege asyrylady. Onyń kólemi zeйnetaqy júйesine qatysý ótiline baйlanysty belgilenedi.
Osy ósimniń barlyǵy 2018 jyly bazalyq zeйnetaqynyń jańa mólsherin 2017 jylmen salystyrǵanda 1,8 ese arttyrýǵa múmkindik beredi.
Elimizde jyl saйyn 400 myńǵa jýyq bala týady, bul – 1999 jylǵy deńgeйden 2 ese derlik joǵary. Mundaй jaqsy úrdisti aldaǵy ýaqytta da saqtaý kerek.
Meniń tapsyrmam boйynsha 2017 jylǵy 1 shildeden bastap bala týǵanda beriletin bir rettik járdemaqy kólemi 20%-ǵa ósiriledi.
Eń tómengi kúnkóris shegin de qaйta qarastyrý kerek. Ol qazaqstandyqtardyń naqty tutynýshylyq shyǵystaryna sáйkes kelýge tıis. Bul qadam 2018 jylǵy 1 qańtardan bastap bazalyq zeйnetaqy, múgedekterge jáne asyraýshysynan aйrylǵan otbasylarǵa arnalǵan járdemaqy, múgedek bala tárbıelep otyrǵandarǵa beriletin ataýly kómek pen járdemaqy kólemin 3 mıllıon adam úshin ósirýge múmkindik beredi.
2018 jylǵy 1 qańtardan bastap ataýly áleýmettik kómek kórsetý shegin eń tómengi kúnkóris sheginiń 40%-ynan 50%-ǵa deйin ósirip, onyń jańa formatyn engizý kerek. Bul rette jumys isteýge qabiletti adamnyń bári tek jumyspen qamtý baǵdarlamasyna qatysý sharty arqyly ǵana qoldaýǵa ıe bolýǵa tıis.
 
Besinshi basymdyq – ınstıtýtsıonaldyq ózgeristerge, qaýipsizdikke jáne sybaйlas jemqorlyqpen kúreske qatysty.
Birinshi. Úkimet úshinshi jańǵyrtý aıasynda EYDU-nyń ozyq tájirıbeleri men usynymdaryn ımplementatsııalaý jumysyn qamtamasyz etýge tıis.
Ekinshi. Biz jeke menshikti qorǵaýǵa, quqyq ústemdigine jáne barshanyń zań aldynda teńdigin qamtamasyz etýge baǵyttalǵan reformalar júrgizýdemiz. Bul jumysty jalǵastyrý kerek.
Úkimetke «Atameken» UKP-men jáne azamattyq qoǵamdastyqpen birlesip,  jeke menshik quqyǵyn qorǵaýdy kúsheйtýge qatysty búkil zańnama revızııasyn júrgizýdi tapsyramyn.
Sonymen qatar, ákimshilik jáne qylmystyq zańnamany izgilendirgen jón. Ákimshilik aйyppuldar ádiletti jáne quqyq buzý deńgeйine sáйkes bolýǵa tıis.
Kásipkerlik salasynda quqyq buzǵany úshin salynatyn sanktsııany tómendetý jumysyn odan ári júrgize berý kerek. Qoǵamǵa qaýiptiligi joǵary emes ekonomıkalyq qylmys quramyn krımınaldyq sıpattan aryltý kerek.
Sot júйesine degen senimniń artýyna qol jetkizý qajet. Sýdьıalardyń jumysyna zańnan tys kez kelgen yqpaldy joıý mańyzdy.
Úshinshi. Qaýipsizdik ahýaly qýatty jáne áreket ete alatyn memlekettiń ólshemine aйnalyp keledi.
Qazirgi zamanda adamzat terrorızmniń beleń alýymen betpe-bet kelip otyr. Bul rette destrýktıvti kúshterdi qarjylandyratyndarǵa, sheteldik terrorıstik uйymdarmen baйlanys jasaйtyndarǵa qarsy kúres júrgizý isi negizgi másele bolyp sanalady.
Dinı ekstremızmdi nasıhattaýdyń aldyn alý, ásirese ınternet pen áleýmettik jelide onyń jolyn kesý jumysyn júrgizý kerek. Qoǵamda, ásirese, dinı qarym-qatynas salasyndaǵy radıkaldy kózqarasqa baйlanysty kez kelgen áreketke «múlde tózbeýshilikti» qalyptastyrý kerek.
Bas bostandyǵynan aйyrý oryndarynda sottalǵandardy teologııalyq turǵydan saýattandyrý qyzmetteriniń maqsatty jumysy uйymdastyrylýǵa tıis. Óskeleń urpaqty rýhanı-adamgershilik rýhynda tárbıeleý úshin qosymsha qadamdar jasaý kerek.
Bul iske memlekettik emes sektordy jáne dinı birlestikterdi belsendi túrde tartý qajet.
Osy sharanyń bári meniń tapsyrmam boйynsha ázirlenip jatqan, 2017-2020 jyldarǵa arnalǵan Dinı ekstremızm men terrorızmge qarsy áreket jónindegi memlekettik baǵdarlamada eskerilýge tıis.
Kıberqylmyspen kúrestiń ózektiligi barǵan saйyn arta túsýde.
Úkimet pen Ulttyq qaýipsizdik komıtetine «Qazaqstan kıberqalqany» júйesin qalyptastyrý sharalaryn qabyldaýdy tapsyramyn.
Tórtinshi. Biz eldegi sybaйlas jemqorlyq deńgeйin tómendetý baǵytynda eleýli qadamdar jasadyq. Alaйda, basty nazar kóbine sybaйlas jemqorlyqtyń saldarlarymen kúresýge aýdarylyp otyr.
Sybaйlas jemqorlyqtyń sebepteri men alǵysharttaryn anyqtap, olardy joıý jumysyn kúsheйtý qajet.
Mańyzdy máseleniń biri – satyp alý salasyn jetildirý.
Úkimetke memlekettik satyp alý júйesin ortalyqtandyrylǵan qyzmet qaǵıdaty boйynsha engizýdi tapsyramyn.
Kvazımemlekettik sektorda, tabıǵı monopolııa jáne jer qoйnaýyn paйdalaný salalarynda da satyp alý sharalaryn ótkizý ádisterin túbegeйli qaйta qarastyrý kerek.
Sybaйlas jemqorlyqpen kúreste kóp nárse búkil qoǵamnyń belsene atsalysýyna baйlanysty. Áleýmettik jeliniń, ózge de medıa-resýrstardyń damýy jaǵdaйynda, sybaйlas jemqorlyqqa qarsy is-áreket barysynda ony jalpy jurtshylyqtyń jek kórýi kúrestiń qýatty quralyna aйnalýǵa tıis.
 

Qurmetti qazaqstandyqtar!

Osy Joldaý arqyly elimizdiń ár azamatyna jańa jaǵdaйdaǵy damý baǵytymyz jónindegi óz kózqarasymdy jetkizgim keldi.
Úkimetke «Qazaqstannyń ulttyq tehnologııalyq bastamasy» dep atalatyn Eldi úshinshi jańǵyrtý jónindegi 2025 jylǵa deйingi damýdyń strategııalyq josparyn ázirleýdi tapsyramyn.
Bizde ýaqyt talabyn laйyqty qabyl alyp, elimizdi odan ári jańǵyrtý jónindegi mindetterdi oryndaýdan basqa jol joq.
Bizdiń uly halqymyz biregeй tarıhı múmkindikti tolyqtaй paйdalana alatynyna senemin.
 

Qymbatty dostar!

Qazaqstan – jas, kóp ultty, bolashaǵyna senimdi jáne qarqyndy damyp kele jatqan memleket! Biz táýelsiz Qazaqstannyń 25 jyldyq damý jolynan óttik. Aldaǵy 25 jylda budan da bıik belester kútip tur.
Memleket qurý jolynda teńdessiz, mol tájirıbe jınap, jańa kezeńge qadam basyp otyrmyz. Aldymyzda qandaй qıyndyqtar kezdesse de, olardy eńsere alatynymyzǵa senimdimin. Bizdiń basty kúshimiz – birlikte.
Qazaqstandy keйingi urpaq úshin budan da ósip-órkendegen elge aйnaldyramyz!

 
© 2008 Павлодарский технологический колледж