Сүт өнімдерін өндіру шебері |
«Сүт өнімдерін өндіру шебері» кәсібі бойынша кәсіби қызмет объектілері сүт және сүт өнімдерін қайта өңдеу бойынша әртүрлі меншік нысанындағы кәсіпорындар болып табылады. Білуге тиіс: - сүт және сүт өнімдерінің құрамы, физикалық - химиялық қасиеттері; - сүт және сүт өнімдерін өндіру технологиясы; - шикізат пен дайын өнім сапасына қойылатын талаптар; - сүт және бактериялық және физикалық-химиялық сүт ақаулары, олардың алдын алу шаралары және оларды жою тәсілдері; - жабдықтың құрылысы, жұмыс істеу принципі және оған қызмет көрсету ережелері; - шикізаттың, негізгі және қосалқы материалдардың, химикаттардың, ыдыстардың жол берілетін шекті шығындары мен шығысының нормалары; - сүт және сүт өнімдерін өндіру бойынша есеп пен есептіліктің технологиялық журналдарын жүргізу қағидалары; - жуу және дезинфекциялау ерітінділерінің қолданылуы және оларды дайындау қағидалары; - сүт және сүт өнімдері биохимиясының негіздері; - микробиология, санитария және гигиена негіздері; - технологиялық және бактериологиялық бақылау, есепке алу және есептілік негіздері; - қолданыстағы стандарттардың талаптары және өндірілетін өнімдердің техникалық шарттары; - қаймағы алынбаған, ашымалы сүт өнімдерін өндірудің технологиялық процестері; - өнімді әзірлеу кезінде ақаудың пайда болу себептері және оларды жою тәсілдері; - еңбек, қауіпсіздік техникасы, өндірістік санитария және өрт қауіпсіздігі ережелері мен нормалары.
Білу керек: - келіп түсетін шикізаттың (сүт, кілегей, май және т. б.) есебін жүргізу - сүт, ашымалы диеталық сүт өнімдері, сүзбе және сүзбе өнімдері, қаймақ, май, ірімшік және басқа да өнімдерді өндірудің технологиялық процесін жүргізу; - шикізатты өндіріс түрлері бойынша сапасына қарай бөлу; - сүтті қалыпқа келтіру бойынша есептерді орындау; - диеталық өнімді өндіру кезінде ашыту және салқындату процесінің температуралық режимін реттеу және зертханалық талдаулар бойынша оның жетілу дайындығын анықтау; - нормативтік және технологиялық құжаттамаға сәйкес технологиялық процеске қойылатын талаптардың сақталуын бақылау; - өнімді орау және ыдысқа салу сапасын бақылау; - дайын сүт өнімдерінің сапасын бағалау; - ақау себептерін жою бойынша іс-шараларды әзірлеу; - сүт өнімдерін өндіру бойынша өндірістік - технологиялық есепті және есептілікті жүргізу; - технологиялық жабдықты жуу сапасын бақылау, оны жұмысқа және өндірістің санитариялық жағдайға дайындау; - өнім сапасын басқарудың ең озық жүйелерін, жаңа және қолданыстағы стандарттарды, техникалық шарттар мен басқа да нормативтер мен нұсқаулықтарды бақылау әдістерін әзірлеуге және енгізуге қатысады. - ашымалы сүт өнімдерінің әр түрін өндіру үшін бактериялық ұйытқылардың сақталуына бақылау жүргізу; - температуралық режимді және сүтті ашыту процесін реттеу; |